قاتل سلینڈر نے ایک اور درخشاں ستارے کی زندگی کا خاتمہ کردیا، پروفیسر سبحانی جوہر گیس لیکج میں جُھلسنے کے باعث انتقال کرگئے۔
سوات (عصرِنو) گورنمنٹ افضل خان لالا پوسٹ گریجویٹ کالج مٹہ شعبہ انگریزی کے پروفیسر سبحانی جوہر انتقال کرگئے۔ سبحانی جوہر گیس لیکج حادثے کے باعث لاہور کے جناح ہسپتال میں زیرِ علاج تھے، جہاں زخموں کی تاب نہ لاتے ہوئے اپنی خالقِ حقیقی سے جا ملے۔
سوات کے علمی و ادبی حلقوں نے اُن کی وفات پر افسوس کا اظہار کیا ہے، اور کہا ہے کہ دنیا مرحوم کی علمی و ادبی
خدمات کی ہمیشہ معترف رہےگی۔
یاد رہے کہ پچھلے ہفتے پروفیسر سبحانی جوہر لاہور میں اپنے دیرینہ دوست و کالم نگار تصدیق اقبال بابو کے ساتھ گیس لیکج کی وجہ سے بری طرح جلھس گئے تھے. تصدیق اقبال دو دن پہلے وفات پا چکے ہیں۔
کوئی تبصرے نہیں:
ایک تبصرہ شائع کریں