عدنان حلیم کا تعلق ودای سوات کے پُربہار علاقہ فتح پور سے تھا، خیبر میڈیکل کالج میں تھرڈ ایئر ایم بی بی ایس کے طالب علم تھے، کورونا وائرس کی وجہ سے زندگی کی بازی ہارگئے۔
پشاور (عصرِنو) خیبر میڈیکل کالج میں تھرڈ ایئر کی طالب علم کورونا سے لڑتے ہوئے جان کی بازی ہار گئے۔ خیبر ٹیچنگ ہسپتال پشاور کی ترجمان کے مطابق نوجوان عدنان حلیم کو وبائی مرض کے سبب شدید بخار کی حالت میں اتوار کے روز ہسپتال میں داخل کیا گیا تھا، دو دن زندگی اور موت کی کشمکش میں ہوتے ہوئے کورونا سے لڑ رہے تھے کہ آج اس دارِ فانی سے کوچ کر گئے۔
سوات سے تعلق رکھنے والے طالب علم عدنان حلیم ایف ایس سی میں سوات بورڈ کے ٹاپر تھے، جس کی وجہ سے اُنہیں گولڈ میڈل سے نوازا گیا تھا۔
یاد رہے کہ عدنان حلیم عوامی نیشنل پارٹی یو سی فتح پور کے جنرل سیکرٹری محمد حلیم خان کے فرزند تھے۔
کوئی تبصرے نہیں:
ایک تبصرہ شائع کریں