ملاقات میں وفاقی وزیر اعجاز شاہ، سپیکر قومی اسمبلی اسد قیصر اور وزیراعلیٰ خیبر پختون خوا محمود خان بھی شریک ہوں گے، پرویز خٹک
پشاور (عصرِنو) وفاقی وزیر دفاع پرویز خٹک نے کہا ہے کہ وزیر داخلہ اعجاز شاہ کے بیان کے بعد پیدا ہونے والی صورت حال اور عوامی نیشنل پارٹی کی جانب سے اسلام آباد کی جانب مارچ اور دھرنے کے اعلان کے تناظر میں پی ٹی آئی قائدین اے این پی کو منانے کےلیے باچا خان مرکز پشاور جائیں گے۔
ملاقات میں وزیراعلیٰ خیبر پختون خوا محمود خان، سپیکر قومی اسمبلی اسد قیصر اور وزیر داخلہ اعجاز شاہ بھی شریک ہوں گے۔
پرویز خٹک نے کہا کہ ملاقات میں اے این پی قیادت کو اسلام آباد میں دھرنا نہ دینے پر قائل کرنے اور گلے شکوے دور کریں گے، جب کہ اعجاز شاہ کے بیان سے متعلق بھی بات چیت کی جائے گی۔ دوسری جانب ذرائع کا کہنا ہے کہ یہ ملاقات آج متوقع ہے جس میں وفاقی وزیر اعجاز شاہ اے این پی قائدین سے معافی مانگیں گے۔
کوئی تبصرے نہیں:
ایک تبصرہ شائع کریں