پشاور (عصرِنو) عوامی نیشنل پارٹی کے صوبائی صدر ایمل ولی خان نے تحریک انصاف کی جرگہ اور معذرت قبول کرتے ہوئے کہا ہے کہ پختون روایات کو مدنظر رکھ کر ہم آئے ہوئے وفد کا جرگہ اور معذرت کو قبول کرتے ہیں۔
وفاقی وزیر برائے داخلہ امور بریگیڈئیر(ر) اعجاز شاہ کی بیان سے پیدا ہونے والی صورت حال پر تحریک انصاف کی وفد وفاقی وزیردفاع پرویز خٹک کی قیادت میں باچا خان مرکز پشاور آئی، جس نے اے این پی کے مرکزی سیکرٹری جنرل میاں افتخار حسین، صوبائی صدر ایمل ولی خان سے ملاقات کی۔ ملاقات میں وزیر داخلہ نے اپنی بیان پر وضاحت پیش کرتے ہوئے کہا کہ میرے بات کو میڈیا نے سیاق و سباق سے ہٹ کر پیش کیا۔
وفاقی وزیر داخلہ اعجاز شاہ، صوبائی وزیر صحت تیمور جھگڑا اور ارباب شیر علی بھی تحریک انصاف کی وفد میں شامل تھے۔ جب کہ اے این پی کی طرف سے مرکزی سیکرٹری مالیات حاجی ہدایت اللہ خان، حاجی غلام احمد بلور، صوبائی جنرل سیکرٹری سردار حسین بابک، صوبائی ترجمان و ایم پی اے ثمر ہارون بلور اور دیگر مرکزی و صوبائی کابینہ کے اراکین بھی موجود تھے۔
کوئی تبصرے نہیں:
ایک تبصرہ شائع کریں