وزیر اعلیٰ سندھ سید مراد علی شاہ نے طلبہ یونینز پر عائد پابندی ختم کرتے ہوئے کہا کہ صوبائی سطح پر جلد قانون سازی کی جائی گی جو پہلے مرحلے میں کابینہ اور پھر صوبائی اسمبلی سے پاس کیا جائے گا ۔
انہوں نے اس موقع پر طلبہ تنظیموں کے نمائندوں سے ملاقات بھی کی ۔ جس کے بعد سندھ حکومت کے ترجمان بیرسٹر مرتضیٰ وہاب نے پریس کانفرنس کرتے ہوئے بتایا کہ سندھ اسمبلی میں طلبہ یونینز پر عائد پابندی ختم کرنے کی قرارداد منظور ہوچکی ہے ۔
ان کا مزید کہنا تھا کہ ہم نے طلبہ تنظیموں کی ہمیشہ حمایت کی ہے ، طلبہ تنظیموں سے مشاورت ہو چکی ہے اور اس سلسلے میں آج میٹنگ کی گئی جبکہ کابینہ کے آئندہ اجلاس میں قانون پیش کیا جائے گا ۔
کوئی تبصرے نہیں:
ایک تبصرہ شائع کریں