سوات (عصرِنو) عوامی نیشنل پارٹی ضلع سوات کے جنرل سیکرٹری شاہی دوران خان نے کہا ہیں کہ اے این پی کی طرف سے بلائے جانے والا ”پختون قومی جرگہ“ میں تمام حکومتی و اپوزیشن جماعتوں یعنی جے یو آئی (ف)، جماعت اسلامی، پاکستان پیپلز پارٹی، پاکستان تحریک انصاف، قومی وطن پارٹی، پشتونخوا ملی عوامی پارٹی، پختون تحفظ موومنٹ اور دیگر جماعتوں کے رہنما و قائدین کی جرگہ میں شرکت اس بات کی عکاسی کرتی ہے کہ تمام سیاسی جماعتیں پختون قوم کے مسائل کی حل کےلئے متفق ہیں۔
اِن خیالات کا اظہار اُنہوں نے عصرِنو سے خصوصی بات چیت کرتے ہوئے کیا۔ اُن کا مزید کہنا تھا کہ جرگے میں پشتونوں کو درپیش بڑے بڑے مسائل یعنی لاپتہ افراد، سی پیک، بداَمنی، پاک-افغان تعلقات، تجارتی راستوں کی بندش اور اٹھارویں ترمیم سمیت دیگر امور پر بحث کی گئی جو وقت کا اہم تقاضا ہے۔
شاہی دوران خان نے کہا کہ امید ہیں کہ جرگہ پشتونوں کو درپیش مسائل اور ان کے حل کےلیے مشترکہ لائحہ عمل دینے کی بھرپور کوشش کرے گا۔
کوئی تبصرے نہیں:
ایک تبصرہ شائع کریں