گل صاحب خان اور عمر دراز خٹک کو اے این پی میں شامل ہونے پر خوش آمدید کہتے ہیں، ایوب خان اشاڑی

‏سوات (عصرِنو) عوامی نیشنل پارٹی ضلع سوات کے صدر محمد ایوب خان اشاڑی نے پاکستان تحریک انصاف کی سابق رکنِ صوبائی اسمبلی گل صاحب خان و سابق ضلع ناظم کرک ڈاکٹر عمردراز خان خٹک کو عوامی نیشنل پارٹی میں شمولیت اختیار کرنے پر مبارک باد پیش کرتے ہوئے کہا کہ حکمران جماعت سے لوگوں کا اے این پی میں شامل ہونا اس بات کی عکاسی ہے کہ لوگ تبدیلی سرکار سے مطمئن نہیں۔ 

ان خیالات کا اظہار انہوں نے عصرِنو سے خصوصی بات چیت کرتے ہوئے کیا۔ اس موقع پر ان کا کہنا تھا کہ پچھلے ہفتہ سابق ایم پی اے یاسین خلیل  کی شمولیت اور پھر دوسرے لوگوں کا دھڑا دھڑ شمولیتیں قابل ستائش ہے، کیوں کہ اے این پی  ایک مظبوط قوت بن کر سامنے آرہی ہے۔

اُنہوں نے مزید کہا کہ تبدیلی سرکار اب مزید پختون قوم کو دھوکہ نہیں دے سکتی، کیوں کہ عوام سمجھ چکے ہیں کہ اُن کی حقیقی ترجمان پارٹی عوامی نیشنل پارٹی ہی ہے جو بلا تفریق عوام کی خدمت کررہی ہے۔ اے این پی پختونوں کی واحد اصل معنوں میں حقیقی جماعت ہے، اے این پی میں پختونوں کو عزت ملتی ہے، اسی وجہ سے لوگ غیر مشروط طور پر اے این پی میں شمولیت ککررہے ہیں۔