ملک میں اس سال ڈینگی وائرس کے ہزاروں کیس رپورٹ ہوئے اور کئی لوگ اپنی جان سے گئے ۔ یہ مرض کیسے پھیلتا ہے اور اس کی علامات کیا ہیں ؟
آیئے جانتے ہیں :
ڈینگی ایک مخصوص مادہ مچھرکے کاٹنے سےہوتا ہے ۔ متاثرہ شخص تیزبخار میں مبتلا ہوسکتا ہے ، اس کے جسم میں درد ہوتا ہے اورسرخ دھبے بھی پڑسکتے ہیں ۔
ماہرین صحت کے مطابق ڈینگی کے مرض میں مبتلا 80 فیصد افراد کو ہسپتال میں علاج کی ضرورت نہیں ہوتی اور ان کا علاج گھر پر ممکن ہے ۔
ڈاکٹر احمد زیب " فوکل پرسن ڈینگی خیبر پختونخوا " کے مطابق ڈینگی مچھر صبح روشنی ہونے سے پہلے اور شام میں اندھیرا ہونے سے 2 گھنٹے قبل زیادہ متحرک ہوتا ہے ۔
اس کی افزائش اگست سے اکتوبر کے مہینے کے دوران میں ہوتی ہے ۔ سردموسم میں ڈینگی کی افزائش نسل رک جاتی ہے ۔
ڈاکٹر الیاس خان ، ماہر امراض میڈسن کا کہنا ہے کہ ڈینگی کا مرض مچھر کے ذریعے مریض سے کسی بھی دوسرے شخص کو منتقل ہوسکتا ہے ۔
طبی ماہرین کہتے ہیں کہ مرض میں مبتلا مریضوں کے خون میں پلیٹیٹس کی تعداد 50 ہزار سے کم ہونے لگے تو وہ علاج کےلئے فوری ہسپتال جائیں ۔
کوئی تبصرے نہیں:
ایک تبصرہ شائع کریں