ماہرین غذائیت کے مطابق مچھلی اور دودھ کےایک ساتھ استعمال سے کسی قسم کے نقصان کی سائنسی یا طبی طور پر کوئی دلیل نہیں ملتی ، یہ صرف ایک کہانی ہے ، ان دو کھانے کی اشیاء کا بیک وقت استعمال سے نقصان صرف ایک صورت ہو سکتا ہے کہ مچھلی یا دودھ میں سے کسی ایک سے الرجی ہو ۔
ماہرین کے مطابق اگر دونوں کی غذائیت اور افادیت کو دیکھا جائے تومچھلی اور دودھ دونوں ہی ہائی پروٹین اور مکمل غذائیں ہیں ، کسی بھی بیماری کے بعد کمزوری سے نجات پانے کےلئے ان کا ایک ساتھ استعمال کیا جا سکتا ہے ۔
ماہرین کا کہنا ہے کہ دونوں غذاؤں کو صحیح طریقے سے پکا کر کھایا جائے ، اگر مچھلی کچی رہ گئی یا دودھ مناسب طریقے سے ابال کر نہ استعمال کیا جائے تو انفیکشن کا خطرہ بڑ ھ جاتا ہے ، جس میں خارش یا غذا کا ہضم نہ ہونا شامل ہے ۔
مچھلی کھانے کے بعد دودھ کا استعمال قطعاً خطرناک نہیں ، مگر ان دونوں غذاؤں کا استعمال صحت کےلئے کچھ خاص نہیں جانا جاتا ، خاص طور پر اُن کے لیے جن کا معدہ یا قوتِ مدافعت کمزور ہو ۔
کوئی تبصرے نہیں:
ایک تبصرہ شائع کریں