لاہور ہائی کورٹ نے سابق وزیراعظم میاں محمد نواز شریف کی طبی بنیادوں پر درخواست ضمانت منظور کرلی ۔ سابق وزیراعظم چار دن پہلے شدید بیمار ہوئے تھے ، پلیٹ لیٹس کی مقدار دو ہزار ہونے کی وجہ سے ان کو سروسز ہسپتال لاہور منتقل کیا گیا تھا ۔
کل ان کے بھائی میاں شہباز شریف نے لاہور ہائیکورٹ سے طبی بنیادوں پر ضمانت کےلئے رجوع کی تھی ، عدالت نے کیس فوری سماعت کےلئے منظور کرتے ہوئے نیب اور ہسپتال انتظامیہ سے رپورٹ پیش کرنے کا حکم دیا تھا ۔
تمام فریقین آج عدالت میں پیش ہوئے ، تمام دلائل سننے کے بعد عدالت کے دو رکنی بنچ نے چوہدری شوگر ملز کیس میں سابق وزیراعظم کی طبی بنیادوں پر درخواست ضمانت منظور کرلی ۔
کوئی تبصرے نہیں:
ایک تبصرہ شائع کریں