ملک بھر کے مختلف شہروں میں زلزلے کے شدید جھٹکے محسوس کئے گئے ۔ ریکٹر اسکیل پر زلزلے کی شدت 6.1 ریکارڈ ہوئی ۔
ذرائع کے مطابق اسلام آباد ، پشاور ، کراچی اور لاہور کے علاوہ آزاد کشمیر میں بھی جھٹکے محسوس کئے گئے ۔
آزاد کشمیر کے علاقے میر پور میں زلزلے کی وجہ سے مین شاہراہ (جاتلاں) زمین میں دھنس گئی ، جس کی وجہ سے کئی گاڑیاں الٹ گئیں ۔
جبکہ عمارت کی دیوار گرنے سے چار افراد جاں بحق اور 100 سے زائد زخمی ہوئے ۔ ہسپتال انتظامیہ نے مزید ہلاکتوں کا خدشہ ظاہر کیا ہے ۔
ڈپٹی ڈائریکٹر میٹ کے مطابق اب تک کئی افٹر شاک بھی محسوس کئے گئے ہیں ۔
آزاد کشمیر کے تمام ہسپتالوں میں ایمرجنسی نافذ کرنے کے ساتھ ساتھ پاک آرمی کی جانب سے امدادی ٹیمیں بھی روانہ کی گئی ہیں ۔
کوئی تبصرے نہیں:
ایک تبصرہ شائع کریں