پاکستان سے تعلق رکھنے والے اردو کے مشہور و معروف افسانہ نگار ، ڈرامہ نویس ، ناول نگار ، مترجم اور براڈ کاسٹر اشفاق احمد خان ہندوستان کے شہر ہوشیار پور کے ایک چھوٹے سے گاؤں خان پور میں ڈاکٹر محمد خان کے گھر 22 اگست ، 1925ء کو بروز پیر پیدا ہوئے ۔ ابتدائی تعلیم فیروز پورہ میں حاصل کی ۔
اعلیٰ تعلیم کےلئے گورنمنٹ کالج لاہور شفٹ ہوئے ، اور وہاں سے اردو زبان و ادب میں ماسٹر کی ڈگری حاصل کی ۔ اٹلی کی روم یونیورسٹی اور فرانس کے نوبلے یونیورسٹی سے اطالوی اور فرانسیسی زبان میں ڈپلومے حاصل کیے ۔ اس کے علاوہ نیو یارک یونیورسٹی سے براڈکاسٹنگ کی خصوصی تربیت حاصل کی ۔
اشفاق احمد ان نامور ادیبوں میں شامل ہیں جو قیام پاکستان کے فورا بعد ادبی افق پر نمایاں ہوئے ۔ اشفاق احمد نے اردو زبان میں افسانے ، متراجم ، ناولٹ ، سفر نامے ، ڈرامے ، شاعری اور طنز و مزاح میں بے شمار کتب لکھے ہیں ۔ ان کی بے مثال کارکردگی کی بنیاد پر حکومت پاکستان نے انہیں صدارتی تمغہ امتیاز سے نوازا ۔
یہ عظیم شخصیت اور اردو ادب کا درخشاں ستارہ ،07 ستمبر ، 2004ء کو جگر کی رسولی کی وجہ سے اچانک انتقال کرگئیں ۔
کوئی تبصرے نہیں:
ایک تبصرہ شائع کریں