عصرِنو: اکتوبر 2019

جمعرات، 31 اکتوبر، 2019

نوبل پرائز کیسے شروع ہوا ۔۔۔۔؟

نوبل انعام کا بانی الفریڈ نوبل تھا ۔ الفرڈ نوبل 21 اکتوبر ، 1833ء کو سویڈن میں انجنیئر کے خاندان میں پیدا ہوئے ، لیکن انہوں نے اپنی زندگی کا بیشتر حصہ روس میں گزارا ۔ ڈائنامائٹ الفریڈ نوبل ہی نے ایجاد کیا ۔ اس کے علاوہ متعدد دوسری ایجادات کا سہرا بھی ان کے سر ہے ۔ آپ نے اپنی زندگی میں زمینوں ، ڈائنامائٹ اور دوسرے ایجادات سے بہت دولت کمائی ، اور مرنے سے دو سال قبل اس نے ایک آئرن اور اسٹیل مل خریدی ، جسے آپ نے ایک عظیم فیکٹری میں تبدیل کردیا اس نے اپنی زندگی میں تقریباً 355 ایجادات کیں جن میں سے سب سے اہم ایجاد ڈائنامائٹ ہے ۔

مرنے سے آٹھ سال قبل اس نے فرانس کے ایک اخبار میں اپنے مرنے کے بارے میں ایک آرٹیکل پڑھا جوکہ غلط تھا ، حقیقت میں اس کا بھائی وفات پا گیا تھا ، مگر اخبار نے اس کا نام لکھ دیا ، اس آرٹیکل نے نوبل کی زندگی کو یکسر بدل دیا کہ وہ مرنے کے بعد کیسے یاد رکھا جانا چاہتا ہے ۔

اس آرٹیکل کی وجہ سے اس نے ایک وصیت لکھ دیا تھا کہ اس کی تمام دولت تقریباً 150 ملین ڈالر ، اس کے مرنے کے بعد ان لوگوں کو دی جائے جو انسانیت کی خدمت کرنے میں کردار ادا کریں ، اور بالخصوص یہ دولت ہر سال ایسے افراد یا اداروں کو انعام کے طور پر دی جائے جنہوں نے گزشتہ سال کے دوران میں طبیعیات ، کیمیا ، طب ، ادب اور امن کے میدانوں میں کوئی کارنامہ انجام دیا ہو ۔

آج اس کی دولت کا اندازہ تقریباً پچیس کروڑ ڈالر سے زائد ہے اس کی دولت میں سے ہر سال 90 لاکھ ڈالر نوبل پرائز جیتنے والوں کو اور دیگر اخراجات پر خرچ کیے جاتے ہیں اس کی دولت سو سال سے زائد گزرنے کے باوجود محفوظ ہاتھوں میں ہے ۔ نوبل انعام کی پہلی تقریب الفریڈ نوبل کی پانچویں برسی کے دن یعنی 10 دسمبر 1901ء کو منعقد ہوئی تھی ، تب سے یہ تقریب ہر سال اسی تاریخ کو ہوتی ہے ۔

Asr E Naw

اختر حسین ابدالؔی عصرِنو ڈاٹ بلاگ سپاٹ ڈاٹ کام کے بانی ایڈیٹر ہیں۔ اس کے ساتھ ساتھ روزنامہ آزادی سوات/ اسلام آباد میں بطورِ کالم نگار کام کررہے ہیں۔ اس کے علاوہ فری لانس صحافی بھی ہیں، اور ساتھ ہی ساتھ تاریخ و تاریخی واقعات و مقامات میں دلچسپی رکھتے ہیں۔

بدھ، 30 اکتوبر، 2019

اپوزیشن کا احتجاج رنگ لے آیا ، وزیر اعظم کو استعفیٰ دینا پڑگیا

اپوزیشن کا کئی دنوں سے جاری احتجاج رنگ لے آیا ، وزیر اعظم کو استعفی دینا پڑگیا ۔

کئی دنوں سے حکومت مخالف اپوزیشن جماعتوں کا ملک گیر احتجاج جاری تھا ، جو بالآخر رنگ لے آیا ، اپوزیشن کے پور زور مطالبہ کی وجہ سے لبنان کے وزیر اعظم سعد الحریری نے استعفی دے دیا ۔

Asr E Naw

منگل، 29 اکتوبر، 2019

مولانا فضل الرحمن کی آزادی مارچ کا قافلہ چالیس کلومیٹر طویل

پنجاب کے قانون نافذ کرنے والے اداروں کے مطابق مولانا فضل الرحمن کا آزادی مارچ پیر اور منگل کی درمیانی شب جب پنجاب کی حدود سے گزر رہا تھا تو گاڑیوں کی قطاریں چالیس سے پچاس کلو میٹر طویل تھیں ، اور شرکا کی تعداد ایک لاکھ کے لگ بھگ تھی ۔

سپیشل برانچ کی رپورٹ میں خدشہ ظاہر کیا گیا تھا کہ لاہور پہنچے تک آزادی مارچ کے شرکا کی تعداد تین لاکھ تک پہنچ جائے گی کیونکہ ہر شہر سے ہزاروں نئے لوگ مارچ میں شامل ہو رہے ہیں ۔

رپورٹ میں خدشہ ظاہر کیا گیا ہے کہ اسلام آباد پہنچنے تک آزادی مارچ کے شرکا کی تعداد دس لاکھ سے تجاوز کر سکتی ہے ۔

Asr E Naw

العزیزیہ ریفرنس میں نواز شریف کی سزا معطل

اسلام آباد ہائیکورٹ نے العزیزیہ ریفرنس میں سابق وزیر اعظم نواز شریف کی جانب سے دائر کی گئی طبی بنیادوں پر درخواست ضمانت پر فیصلہ سناتے ہوئے ان کی سزا دو ماہ کےلئے معطل کردی ۔

درخواست ضمانت پر فیصلہ سناتے ہوئے اسلام آباد ہائیکورٹ کے دو رکنی بنچ نے نواز شریف کو طبی بنیادوں پر درخواست ضمانت منظور کرتے ہوئے انہیں دو ماہ کی ضمانت دی گئی ۔

دوران ریمارکس عدالت کا کہنا تھا کہ اگر نواز شریف اپنے ضمانت میں توسیع کرنا چاہتے ہیں تو وہ دفعہ 401 کے تحت 08 ہفتوں کے اندر پنجاب حکومت سے رابطہ کرسکتے ہیں ۔

Asr E Naw

اتوار، 27 اکتوبر، 2019

فہرست عثمانی سلاطین

سلطنتِ عثمانیہ ایک عظیم مسلم سلطنت تھی جو 1299ء تا 1922ء تک تقریباً 623 سال تک قائم رہی ۔ یہ سب سے طویل عرصے تک قائم رہنے والی سب سے مضبوط اسلامی سلطنت تھی ۔ جو جنگِ عظیم اول کے بعد ختم ہو گئی ۔ اس سلطنت میں مجموعی طور 37 حکمران آئے ۔ آپ کچھ جگہ ان کی تعداد 34 اور کچھ جگہ 36 بھی پڑھیں گے . اس کی وجہ یہ ہے کہ سلطنتِ عثمانیہ کی تحلیل 1909ء یعنی سلطان عبدالحمید دوم ( 34 ویں سلطان ) کے دور کے بعد سے شروع ہو گئی اور بہت سے ملک آزاد ہوئے ۔ اس طرح کچھ 34 لکھتے ہیں ، لیکن اس کے بعد مزید دو سلطان محمد پنجم اور محمد ششم آئے ، اور اس کے بعد سلطنت مکمل طور پر ختم ہو گئی ۔ بس ترکی میں خلافت کو باقی رکھا گیا ۔ اس طرح کچھ 36 لکھتے ہیں اور سلطان محمد ششم کو آخری سلطان کہتے ہیں ۔ لیکن آخری خلیفہ عبدالمجید دوم باقی تھے ۔ مگر دو سال بعد 1924 میں خلافت کو بھی ختم کر کے عبدالمجید دوم اور تمام آلِ عثمان کو جلاوطن کر دیا گیا ۔ یوں انکو 37واں حکمران کہا جاتا ہے ۔ عبدالمجید آفندی اسلام کے آخری خلیفہ ثابت ہوئے ۔ آپ صرف خلیفہ تھے کیوں کہ سلطنت تو ختم ہو چکی تھی ۔ عثمانیوں میں 29 خلیفہ تھے کیوں کہ ان کے پاس خلافت سلطان سلیم اول کے دور میں آئی ۔

تمام عثمانی سلاطین کی فہرست درج ذیل ہے :

1 : سلطان عثمان غازی ( Sultan Osman Ghazi )

دور حکومت : 1299ء تا 1323ء

والد : ارطغرل غازی ، والدہ : حلیمہ خاتون

پیدائش : نہیں پتا ، وفات : 1323ء

2 : سلطان اورخان غازی ( Sultan Orhan Ghazi )

دور حکومت : 1323ء تا 1369ء

والد: سلطان عثمان غازی ، والدہ : مال خاتون

پیدائش : 1281ء ، وفات : مارچ 1369ء

3 : سلطان مراد اول ( Sultan Murat I )

دور حکومت : مارچ 1369ء تا 14 جون 1389ء

والد : سلطان اورخان اول ، والدہ : نیلوفر خاتون

پیدائش : 29 جون 1326ء ، وفات: 15 جون 1389

4 : سلطان بایزید اول ( یلدرم ) ، ( Sultan Bayezid I )

دور حکومت: 15 جون 1389 تا 20 جولائی 1402

والد : سلطان مراد اول ، والدہ : گلچیچک خاتون

پیدائش : 1360ء ، وفات : 8 مارچ 1403ء

1402ء میں جنگِ انقرہ ہوئی جو امیر تیمور اور بایزید یلدرم کے درمیان لڑی گئی ۔ سلطان بایزید کو شکست ہوئی ، اور وہ گرفتار ہو کر قید ہوئے ۔ بعد میں قید کے دوران ہی فوت ہوئے یوں سلطنت ایک بار ختم ہو گئی ، اور کئی سال 1413 تک بایزید کے بیٹوں میں خانہ جنگی چلتی رہی ۔ پھر سب سے چھوٹے بیٹے محمد چلپی نے سلطنت پر مکمل قبضہ کیا ۔ یوں یہ دوبارہ شروع ہوئی ۔

5 : سلطان محمد اول ( Sultan Mehmet I )

دور حکومت : 5 جولائی 1413ء تا 26 مئی 1421ء

والد : سلطان بایزید اول ، والدہ : دولت خاتون

پیدائش : 1381ء ، وفات : 26 مئی 1421ء

6 : سلطان مراد دوم ( Sultan Murat II )

پہلا دورِ حکومت : 26 مئی 1421ء تا اگست 1444ء

دوسرا دورِ حکومت : ستمبر 1446ء تا 3 فروری 1451ء

والد : سلطان محمد اول ، والدہ : آمنہ خاتون

پیدائش : جون 1404ء ، وفات : 3 فروری 1451ء

7 : سلطان محمد فاتح ( Sultan Mehmet Fetih )

پہلا دورِ حکومت : اگست 1444ء تا ستمبر 1446ء
دوسرا دورِ حکومت : 3 فروری 1451ء تا 3 مئی 1481ء

وا د : سلطان مراد دوم ، والدہ : ہما خاتون

پیدائش : 30 مارچ 1432ء ، وفات : 3 مئی 1481ء

8 : سلطان بایزید دوم ( Sultan Bayezid II )

دورِ حکومت : 22 مئی 1481ء تا 24 اپریل 1512ء

والد : سلطان محمد دوم ، والدہ : امینہ گل بہار خاتون

پیدائش : 3 دسمبر 1447ء ، وفات : 26 مئی 1512ء

9 : سلطان سلیم اول ( Sultan Selim I )

دورِ حکومت: 25 اپریل 1512ء تا 21 ستمبر 1520ء

والد : سلطان بایزید دوم ، والدہ : گل بہارخاتون

پیدائش : 1470ء ، وفات : ستمبر 1520ء

10 : سلطان سلیمان اول (القانونی) (Sultan Suleman I)

دورِ حکومت : 30 اپریل 1520ء تا 6 ستمبر 1566ء

والد : سلطان سلیم اول ، والدہ : عائشہ حفصہ سلطان

پیدائش : 6 نومبر 1494ء ، وفات : 6 ستمبر 1566ء

11 : سلطان سلیم دوم (Sultan Selim II)

دورِ حکومت : 29 ستمبر 1566ء تا دسمبر 1574ء

والد : سلطان سلیمان ، والدہ : خرم سلطان (Hurrem Sultan)

پیدائش : 28 مئی 1524ء ، وفات : دسمبر 1574ء