اسلامیہ کالج یونیورسٹی پشاور میں ٹیچر ایسوسی ایشن کے پُرامن احتجاج پر پولیس کی لاٹھی چارج کی سخت الفاظ میں مذمت کرتے ہیں۔ سہیل اختر
سوات (عصرِنو) پختون سٹوڈنٹس فیڈریشن صوبہ خیبر پختونخواہ کی آرگنائزینگ کمیٹی کے جنرل سیکریٹری سہیل اختر نے اسلامیہ کالج یونیورسٹی پشاور میں ٹیچر ایسوسی ایشن کے پُرامن مظاہرین پر پولیس گردی کی مذمت کرتے ہوئے کہا ہے کہ مثالی پولیس حکومت کے کہنے پر لوگوں کی حفاظت کی بجائے ان پر تشدّد کررہے ہیں، جو ناقابل برداشت ہے۔
ان خیالات کا اظہار اُنہوں نے عصرِنو سے خصوصی بات چیت کرتے ہوئے کیا۔ ان کا مزید کہنا تھا کہ قوم کی معماروں پر بد ترین تشدّد کی سخت الفاظ میں مذمت کرتے ہیں۔ انہوں نے حکومت سے مطالبہ کیا کہ وہ جلد از جلد کمیشن بنا کر ذمہ داروں کا تعین کریں، اور ان کو کیفر کردار تک پہنچائیں۔
کوئی تبصرے نہیں:
ایک تبصرہ شائع کریں