پشاور: عوامی نیشنل پارٹی کے مرکزی صدر اسفندیار ولی خان کی جانب سے نوشہرہ جلسہ عام سے خطاب کے دوران اعلان کردہ ''پختون قامی جرگہ'' 10 مارچ کو بروز منگل صبح دس بجے باچاخان مرکز پشاور میں منعقد ہوگا۔
اس جرگہ میں تمام پختون رہنما اور مختلف شعبہ ہائے زندگی سے پختون نمائندوں کو شرکت کی دعوت دی جائیں گی۔
اس بات کا فیصلہ اے این پی کے مرکزی سینئر نائب صدر امیرحیدر خان ہوتی کی زیرصدارت ایک اجلاس میں کیا گیا ۔ اجلاس میں اے این پی کے مرکزی جنرل سیکرٹری میاں افتخارحسین ، صوبائی صدر ایمل ولی خان اور صوبائی جنرل سیکرٹری سردارحسین بابک نے شرکت کی۔
اجلاس میں اے این پی پنجاب ، سندھ اور بلوچستان کے صدور سے بھی مشاورت کی گئی۔ اس موقع پر اے این پی کے مرکزی سینئر نائب صدر امیرحیدرخان ہوتی کا کہنا تھا کہ ''پختون قامی جرگہ'' ایک تاریخی جرگہ ہوگا جس میں پختونوں کو درپیش تمام مشکلات اور مسائل پر تفصیلی بحث اور جرگہ کیا جائیگا۔
جرگے میں شریک تمام ممبران کی تجاویز اور آراء کے نتیجے میں پختونوں کو درپیش مشکلات اور مسائل کے حل کےلیے لائحہ عمل بھی طے کیا جائیگا۔
امیرحیدرخان ہوتی کا کہنا تھا کہ پختونوں کو درپیش مشکلات اور مسائل متفقہ طور پر حل کرنیکی ضرورت ہے، کیوں کہ پختون مزید مشکلات اور مسائل برداشت نہیں کرسکتے۔ پختون قومی جرگہ کے دو رس نتائج ہوں گے اور یہ تاریخی جرگہ پختونوں کے مشکلات اور مسائل کےلیے نیک شگون ثابت ہوگا۔
واضح رہے کہ اے این پی سربراہ اسفندیارولی خان نے 20 جنوری کو نوشہرہ میں جلسہ عام سے خطاب کے دوران مرکزی سینئر نائب صدر امیرحیدرخان ہوتی اور مرکزی جنرل سیکرٹری میاں افتخار حسین کو جرگہ منعقد کرانے کی ذمہ داری سونپی تھی۔
اعلامیہ کے اہم نکات درجہ ذیل ہیں۔
☆ پختون قامی جرگہ 10مارچ بروز منگل صبح دس بجے باچاخان مرکز پشاور میں ہوگا۔
☆ پختون قامی جرگہ کی میزبانی اے این پی کے مرکزی صدر اسفندیارولی خان کریں گے۔
☆ پختون قامی جرگے کا اعلان اسفندیارولی خان نے نوشہرہ جلسہ عام سے خطاب کے دوران کیا تھا۔
☆ پختون قامی جرگہ میں تمام پختون رہنماؤں اور دیگر شعبہ جات سے پختون نمائندوں کو شرکت کی دعوت دی جائیگی۔
☆ یہ ایک تاریخی جرگہ ہوگا جس میں پختونوں کو درپیش تمام مسائل اور مشکلات پر تفصیلی بحث کی جائیگی۔
☆ جرگے میں شریک تمام ممبران کی تجاویز اور آراء کی روشنی میں پختونوں کو درپیش مشکلات و مسائل کے حل کےلیے لائحہ عمل طے کیا جائیگا۔
☆ پختونوں کو درپیش مشکلات اور مسائل متفقہ طور پر حل کرنیکی ضرورت ہے۔
☆ پختون مزید مشکلات اور مسائل برداشت نہیں کر سکتے، اس تاریخی پختون قامی جرگے کے دو رس نتائج برآمد ہوں گے۔
☆ یہ تاریخی جرگہ پختونوں کی مشکلات اور مسائل کے حل کےلیے نیک شگون ثابت ہوگا۔
کوئی تبصرے نہیں:
ایک تبصرہ شائع کریں