لاہور (عصرِنو) پختون سٹوڈنٹس فیڈریشن صوبہ خیبر پختونخواہ کی آرگنائزینگ کمیٹی کے جنرل سیکرٹری سہیل اختر نے پنجاب یونیورسٹی میں پشتون طلباء پر حملے کی شدید مذمت کرتے ہوئے کہا ہے کہ جو لوگ اس حملے میں ملوث ہیں، اُن کے خلاف سخت سے سخت قانونی کارروائی کی جائے۔
انہوں نے کہا کہ پشتون طلباء وہاں لڑائی جھگڑوں کےلئے نہیں، بلکہ تعلیم حاصل کرنے کی غرض سے جاتے ہیں۔ پختون ایس ایف کے صوبائی جنرل سیکرٹری کا کہنا تھا کہ پشتون پہلے ہی ظلم و بربریت اور دہشت گردی کا شکار ہیں، دہشت گردوں نے ہمارے تعلیمی اداروں کو تباہ کردیا ہے، اگر ہم سب ایک پاکستانی ہیں تو خدارا پشتون طالب علموں کو تعلیم سے دور رکھنے کی سازش کو ناکام بنایا جائے اور انہیں انصاف فراہم کیا جائے۔ انہوں نے پنجاب حکومت سے مطالبہ کیا کہ پشتون طلباء کو تحفظ دی جائے اور ملوث افراد کے خلاف قانونی کارروائی کیا جائے۔
کوئی تبصرے نہیں:
ایک تبصرہ شائع کریں