اگر بازار، شاپنگ مالز اور دیگر شعبہ جات کھل سکتے ہیں تو تعلیمی ادارے ایس او پیز کے تحت کھول دینے میں کیا حرج ہے؟ شہاب باغی
سوات (عصرنو) پختون سٹوڈنٹس فیڈریشن ضلع سوات کے صدر شہاب باغی کے زیر صدارت متحدہ طلبہ محاذ کا ایک ہنگامی اجلاس کل مکانباغ مینگورہ میں منعقد ہوئی جس میں پختون ایس ایف، پیپلز سٹوڈنٹس فیڈریشن، جمعیت طلبہ اسلام، اسلامی جمعیت طلبہ، مسلم سٹوڈنٹس فیڈریشن، شانگلہ سٹوڈنٹس سوسائٹی، گجر سٹوڈنٹس فورم اور دیگر طلبہ یونین کے عہدیداروں نے شرکت کی۔ اجلاس میں کورونا کی پیش نظر طلبہ کو درپیش مسائل پر بحث کی گئی۔
تفصیلات کے مطابق متحدہ طلبہ محاذ نے 12 رکنی کمیٹی بنائی ہے جس کی صدارت پختون ایس ایف سوات کے صدر شہاب باغی کریں گے۔ کمیٹی نے اپنی سفارشات تیار کرکے حکومت کو پیش کردیے۔ اس سلسلے میں کمیٹی ارکان کچھ دنوں میں صوبائی وزیر تعلیم سے اہم ملاقات کرے گی۔ اگر اس کے باوجود ایجوکیشن ڈیپارٹمنٹ کوئی خاطر خواہ اقدامات نہیں کریں گی، تو متحدہ طلبہ محاذ صوبہ بھر میں احتجاج کی کال دیں گے اور ہر جگہ پرامن احتجاج ریکارڈ کیا جائے گا۔
کمیٹی نے حکومت کو اپنی سفارشات پیش کردیے جو کچھ یوں ہے۔
حکومت اپنے فیصلے پر نظرِثانی کرکے طلبہ کو (Previous Base GPA) پر پروموٹ کریں۔
☆ اگر حکومت آن لائن کلاسسز کے فیصلے سے پیچھے نہیں ہٹ سکتی، تو تمام طلبہ کو انٹرنیٹ اور موبائل فونز کے سہولیات فراہم کریں۔
☆ حکومت تمام یونیورسٹیز کو ایس او پیز کے تحت کھول دی جائیں۔
☆ طلبہ کےلیے تمام سکالرشپس پروگرام بحال کیا جائے۔
☆ پرائم منسٹر لیپ ٹاپ سکیم کو فی الفور بحال کیا جائے۔
☆ غریب طلبہ کےلیے ماہانہ وظیفہ مقرر کیا جائیں۔
☆ حکومت طلبہ سے متعلق جو بھی فیصلہ کرتی ہے، اس میں طلبہ یونین کو اعتماد میں لیا جائے۔
☆ لاک ڈاؤن کی وجہ سے لوگوں مالی بحران کا سامنا ہے، لہذا سمسٹر فیسوں کو پچاس فی صد تک معاف کیا جائے اور تمام لیٹ فیسوں کو ختم کیا جائے۔
اُنہوں نے مزید کہا کہ ہمارے مطالبات نہ ماننے کی صورت میں ہم آئندہ کے لائحہ عمل کا اعلان کریں گے۔
اُنہوں نے مزید کہا کہ ہمارے مطالبات نہ ماننے کی صورت میں ہم آئندہ کے لائحہ عمل کا اعلان کریں گے۔
کوئی تبصرے نہیں:
ایک تبصرہ شائع کریں