حکومت طلبہ سے متعلق فیصلے کرنے سے پہلے تمام طلبہ یونین کو اعتماد میں لیں، بصورتِ دیگر ہم قانونی طور پر اس کے خلاف درخواست جمع کریں گے، شہاب خان باغی کا پریس کانفرنس سے خطاب
سوات (عصرِنو) پختون سٹوڈنٹس فیڈریشن (پی ایس ایف) ضلع سوات کے صدر شہاب باغی نے موجودہ تعلیمی بحران، کورونا وائرس کی وباء اور آن لائن کلاسز سمیت دیگر معاملات پر 08 نکاتی ایجنڈے کو حکومت اور ہائیر ایجوکیشن کمیشن (ایچ ای سی) کے سامنے پیش کردیا۔
اس موقع پر اُن کے ساتھ پختون ایس ایف کے ضلعی جنرل سیکرٹری طارق حسین باغی، سوات یونیورسٹی کے صدر و جنرل سیکرٹری اور تمام کالجز کے صدور اور سیکرٹریز بھی موجود تھے۔
☆ حکومت اپنے فیصلے پر نظرِثانی کرکے طلبہ کو (Previous Base GPA) پر پروموٹ کریں۔
☆ اگر حکومت آن لائن کلاسسز کے فیصلے سے پیچھے نہیں ہٹ سکتی، تو تمام طلبہ کو انٹرنیٹ اور موبائل فونز کے سہولیات فراہم کریں۔
☆ حکومت تمام یونیورسٹیز کو ایس او پیز کے تحت کھول دی جائے۔
☆ طلبہ کےلیے تمام سکالرشپس پروگرام بحال کیا جائے۔
☆ پرائم منسٹر لیپ ٹاپ سکیم کو فی الفور بحال کیا جائے۔
☆ غریب طلبہ کےلیے ماہانہ وظیفہ مقرر کیا جائے۔
☆ حکومت طلبہ سے متعلق جو بھی فیصلہ کرتی ہے، اس میں طلبہ یونین کو اعتماد میں لیا جائے۔
☆ لاک ڈاؤن کی وجہ سے لوگوں مالی بحران کا سامنا ہے، لہذا سمسٹر فیسوں کو پچاس فی صد تک معاف کیا جائے اور تمام لیٹ فیسوں کو ختم کیا جائے۔
اُنہوں نے مزید کہا کہ ہمارے مطالبات نہ ماننے کی صورت میں ہم آئندہ کے لائحہ عمل کا اعلان کریں گے۔
اُنہوں نے مزید کہا کہ ہمارے مطالبات نہ ماننے کی صورت میں ہم آئندہ کے لائحہ عمل کا اعلان کریں گے۔
کوئی تبصرے نہیں:
ایک تبصرہ شائع کریں