نیشنل پارٹی کی ضلعی کابینہ کا اجلاس کورونا ایس او پیز کے مطابق سینئر نائب صدر خواجہ محمد خان کی زیر صدارت منعقد ہوا۔
اجلاس کے ایجنڈے میں نئے کلچر سیکرٹری ضیاء ناصر یوسفزئی کے نامزدگی کی منظوری، کورونا سے وفات پانے والے پارٹی ارکان کی مغفرت کےلیے اجتماعی دعا، ملک میں جاری پٹرول بحران، مہنگائی سے پیدا ہونے والی صورت حال، پردیس میں رہائش پذیر مسافر بھائیوں کی مشکلات اور پارٹی ارکان کے واٹس ایپ گروپس کی منظوری شامل ہیں۔
اجلاس کا اغاز تلاوت کلام سے ہوا جب کہ ضلعی جنرل سیکرٹری شاہی دوران خان نے اجلاس کا ایجنڈا پیش کیا۔ اجلاس کے موقع پر کورونا ایس او پیز کا خاص طور خیال رکھا گیا۔ اجلاس میں سابق ضلعی کلچرسیکرٹری امان الدین کے بیرون ملک جانے سے خالی ہونے والے عہدے پر ضیاء ناصر یوسفزئی کے نامزدگی کی تجویز پیش کی گئی۔ جس پر ارکان نے مفصل بحث کی اور متفقہ طور پر اس کی منظوری دیتے ہوئے کورونا وبا کے اختتام پر ضلعی کونسل کے اجلاس میں باقاعدہ منظوری کےلیے پیش کیا جائے گا۔
موجودہ حکومت کی غیرتسلی بخش کارکردگی پر بحث کرتے ہوئے ارکان نے ملک میں جاری پٹرول کے بحران اور مہنگائی پرحکومتی نااہلی پر افسوس کا اظہار کیا گیا۔ ایک طرف جہاں پوری دنیا میں پٹرول کے استعمال کی وجہ سے اس کی قیمتوں میں ناقابل یقین حد تک کمی ہوئی جب کہ اس نااہل حکمرانوں نے عوام کو پٹرول کےلیے ترسایا ہوا ہے اور دو دن کی گرمی کے بعد لوڈشیڈنگ میں ناقابل برداشت اضافہ ہوا ہے۔
بیرون ملک قیام پذیرمسافروں کے مشکلات پر خصوصی بحث ہوئی اور وفاقی حکومت سے ایک قرار داد کے ذریعے پرزور مطالبہ کیا کہ اربوں روپے کی زرِ مبادلہ بھیجنے والے ان مسافر بھائیوں کی مشکلات کے خاتمے کےلیے خصوصی اقدامات کیے جائیں اور انہیں یہ احساس دلایاجائے کہ اُن کی حکومت نے اپنے شہریوں کو اکیلے نہیں چھوڑا ہے۔
ضلعی صدر کی ہدایات کے مطابق ضلعی کابینہ، تحصیل صدور اور جنرل سیکرٹریز، یونین کونسل صدور اور جنرل سیکرٹریز اور پارٹی ذیلی تنظیموں کے سربراہوں پر مشتمل واٹس ایپ گروپس کے قیام کی بھی منظوری دی گئی تاکہ معلومات اور ہدایات کے تبادلے میں آسانی پیدا ہوا اور پارٹی عہدیداران کا آپس میں مؤثررابطہ ممکن ہوسکے۔
اجلاس سے خطاب کرتے ہوئے ضلعی صدر ایوب خان اشاڑی نے کابینہ کے ارکان کا شکریہ ادا کیا کہ اس وبائی صورتحال کے باوجود وہ پارٹی اجلاس میں شریک ہوئے اور نئے کلچر سیکرٹری ضیاء ناصر یوسفزئی کے نامزدگی کی منظوری دینے پر کابینہ کا شکریہ ادا کیا۔ چوں کہ وبائی صورت حال میں ضلعی کونسل کا اجلاس بلانا ممکن نہیں اس لیے جیسے ہی حالات میں بہتری آئی گی، اس کی باقاعدہ منظوری ضلعی کونسل سے لی جائے گی۔
انہوں نے صوبائی صدر کی ہدایات کے مطابق تمام تحصیل صدور اور جنرل سیکرٹریز کو ہدایات جاری کئے کہ وہ اپنے اجلاس کی کاروائی کو بہتر انداز میں تحریری شکل میں اپنے ساتھ محفوظ کیا کرے جس کا صوبائی جنرل سیکرٹری کے سربراہی میں سہ ماہی جائزہ لیا جائے گا۔
انہوں نے کہا کہ ضلع سوات کی سوشل میڈیا ٹیم نے وبائی صورتحال میں جس طرح کردار ادا کیا وہ انتہائی احسن قدام ہے جس کو پورے صوبے اور بیرون ملک پختون کمیونٹی میں سراہا گیا جس پر میں اپنے سوشل میڈیا ٹیم کو زبردست خراج تحسین پیش کرتا ہوں اور اُمید کرتا ہوں کہ اس سلسلے کو اس طرح کامیابی سے اگے لے جائے گا اور پارٹی میسج کو لوگوں تک پہنچانے کےلیے سوشل میڈیا کے فورم کو مؤثر انداز میں استعمال کیا جائے گا۔
ایوب خان اشاڑی نے کابینہ ارکان کو خصوصی ہدایت کہ وہ پارٹی آئین اور پالیسی پر سختی سے کارفرما ہوں اور ایسے بیانات سے اجتناب کریں جو پارٹی پالیسی سے متصادم ہو۔
اجلاس کے اختتام پر کورونا سے وفات پانے والے پارٹی اراکین، اُن کے رشتہ داروں اور دیگر مرحومین کی مغفرت اور ایصالِ ثواب کےلیے اجتماعی دعا بھی کی گئی۔
کوئی تبصرے نہیں:
ایک تبصرہ شائع کریں