يو ماشوم په منډه منډه "شیوانا" (د اسلام نه مخکښې يو لوې مفکّر) له راغې او په وار خطائې کښې ورته وايي چې .. "زما مور د معبد د يو کاهن په وينا فيصله کړې ده چې زما کوچنۍ ماشومه خور د معبد د لوې بت په پښو کښې قربان کړي.. په خدائې به شي او په تا به شي زما د ماشومے خور ژوند بچ کړه ۔
شیوانا د هلک سره په فوراً د معبد پر لور روان شو چې د معبد په وره دننه شو نو څه ګوري چې ښځې خپله ماشومه لور چې عمر يې د يو نيم نه د دوو کالو په مينځ کښې ښکاريدو د پښو لاسو نه تړلې ده په لاس کښې ورسره چاړه ده او په شونډو يې د څه ورد خلاص دې، د ښځې نه چاپيره بلها خلک ولاړ دي او د معبد کاهن د بت سره نيزدې په يو غټه ګټه باندې ډير په فخر ناست دې او دا هر څه ګوري ۔
شيوانا چې ښځې له نيزدې ورغې نو ګوري چې ښځه د خپلې لور سره بے حده مينه لري او بيا بيا لور ته نيزدې کيږي او ناګهانه پرې خوله ايږدي او ښکولوي يې خو باوجود له دې د معبد کدې د بت د خوشنودئ د پاره هم د دغې پاکې ماشومې لور قرباني ورکول غواړي. شيوانا د ښځې نه پوښتنه وکړه چې ته ولې خپله لور قربانول غواړې؟
ښځه ورته په جواب کښې وايي چې کاهن ماته وئيلې دي چې د بت د خوشنودئ د پاره خپل تر ټولو نه زيات عزيز څيز کړه چې په باقي ژوند کښې دې هيڅ قسمه پريشاني او تنګستيا نه وي او د ژوند نه به دې مشکلات ختم کړې شي ۔
شيوانا وخندل او ورته يې ووئيل چې دا کوچنۍ ماشومه هيڅ کله هم ستا تر ټولو عزيزه هستي نه ده... تا خو د دې وړې ماشومې د قتل اراده کړې ده... تاته تر ټولو عزيزه هستي په ګټه باندې ناست دا کاهن دې د چا په وينا چې تا د يو ګل په شان نازکې ماشومې د قتل کولو اراده کړې ده، دا بت بې وقوفه نه دې دا بت ستا تر ټولو عزيزې هستۍ قرباني غواړي که چرته تا د کاهن په ځاې دا کوچنۍ لور قتل کړه نو ممکنه ده چې ستا نه به دا بت نور هم خفه شي او ستا ژوند لا نور هم تنګ کړې شي ۔
ښځې د يو لحظې سوچ نه پس د ماشومې پښې لاس پرانيستل او چاړه په لاس يې کاهن پسې منډه کړه خو هغه د دې خبرې اوريدو سره سم د معبد نه تيخته کړې وه... وئيل کيږي چې د هغې ورځې نه پس کاهن په خواوشا سيمو کښې هم چا ونه ليدو ۔
په دنيا کښې صرف اګاهي او پوهه تر ټولو غوره څيز دې او لويه ګناه جهالت دې ۔
په کومه ورځ چې مونږ خپل کاهنان ورپېژندل په هغې ورځ به زمونږ مسلې ټولې حل وي ۔
لیک : شاهکار شمال محمدزے
۱۸ مۍ ۲۰۱۹م
کوئی تبصرے نہیں:
ایک تبصرہ شائع کریں